1. |
||||
I was genau i hob mein Spaß verdient
du schaust mi au, foast ohne mi do hin
I streng mi au, wü Ollan imponieren
Du rollst die Augen, manst des is zum genieren
I wü schreien, owa es kummt nix
weu wo nix mehr is kauma nix mehr hean
I wü schreien, owa es bringt nix
weu i bin scho vü z'weit weg von dir
In mir brennt endlich wieder Feia
I brauch den Schwung, den i grod gspia
In mir brennt endlich wieder Feia
den Funken, den verdank i dir
I was genau wie Freiheit funktioniert
Du hoitst di au, losst mi ned durch de Tia
I brich des Schweigen, zag ollas her von mir
Du regst di auf, host Aungst i red von dir
Du wüst schreien, owa es kummt nix
weu wo nix mehr is kauma nix mehr hean
Du wüst schreien, owa es bringt nix
weu du bist scho vü z'weit weg von mir
In mir brennt endlich wieder Feia
I brauch den Schwung, den i grod gspia
In mir brennt endlich wieder Feia
den Funken, den verdank i dir
|
||||
2. |
||||
I hob aun Sundog docht
wia mi die Sun aulocht
durch deine Augen
und i gfrei mi
weu so oft sich i nur Schwoaz
Wir foan gemeinsam weg
egal wohin, nur weg
daun steh ma oben
und i gfrei mi
dass vor uns nu so vü woat
Wia bei Orangen is dei wacha Kern
vü besser ois a dicke Haut
er losst di lochn und er losst di rean
du gspiast hundert Prozent vom Leben
du hoitst mei Haund ganz fest
hoitst mi nu amoi fest
in deine Augen sich i Freiheit
doch dei Aungst is nu zu groß
„Wird ollas guad? Wia wird’s ma geh?
Wos soll i duan waun du ned do bist?“
I geh ned fuat, i bleib do steh
gib da den Hoit bis du eam in dir söwa gspiast
Wia bei Orangen is dei wacha Kern
vü besser ois a dicke Haut
er losst di lochn und er losst di rean
du gspiast hundert Prozent vom Leben
|
||||
3. |
Graz oder Venedig
04:10
|
|||
Woher kummt des
dass ich maunchmoi afoch renna wü
Woher kummt des
dass es maunchmoi nimmer geht
Eigentlich passt ois
olla Ampeln leichtn immer grün
Doch maunchmoi im Spiagl
sich i erst die echte Foab
So oft i a nu auf und o geh
und die Tia auschau wo’s aussaleicht
Kaun i scho geh, hob i ollas erledigt
foa i noch Graz oder glei noch Venedig
i bin nu längst ned duat
wo i eh scho immer hiwoit
Kaun i scho geh, hob i ollas erledigt
foa i noch Graz oder glei noch Venedig
bin i ned längst scho duat wo
wo i eigentlich nie hiwoit
Woher kummt des
dass i oft ned weidaschloffn kau
Woher kummt des
dass im Kopf si ollas draht
Hoffentlich passt ois
wauns wo sticht und zwickt werd i nervös
meistens is gscheida
waun i doch ka Zeitung les
weu i daun nur mehr auf und o geh
aun da tia vorbei wo’s aussaleicht
Kaun i scho geh, hob i ollas erledigt
foa i noch Graz oder glei noch Venedig
i bin nu längst ned duat
wo i eh scho immer hiwoit
Kaun i scho geh, hob i ollas erledigt
egal ob noch Graz oder glei noch Venedig
i bin doch längst scho duat
waun des duat sei unterwegs is
|
||||
4. |
Nur Mitanaunda
03:53
|
|||
Die Luft is richtig dick de kunnt ma schneiden
du hoitst dei Haund vor’d Augen
Du wast den Weg grodaus muasst heit vermeiden
weu do is da Woif daham
Und der kennt olle beim Naumen wia du wast
Du sitzt wie jeden Tog unten beim Wossa
schaust eam beim Steigen zua
Beim Schloffn reissts di regelmäßig aussa
des gaunze losst dir ka Ruah
Und du wast dasst es ned schoffn wirst alla
Nur mitanaunda geht se’s aus
dass wir ned untergengan
Nur mitanaunda geht se’s aus
dass wir nu leben
Nur mitandaunda geht se’s aus
dass wir die Wöd verändern
weu genganaunda deds uns längst scho nimmer geben
Waunst aufwochst host des ollas kurz vergessen
es is nu richtig fruah
ganz plötzlich fühlst di wieder wia besessen
ois ziang si die wolken vua
doch du losst di nimmer faunga
druckst die wolken ausanaunda
hoitst den vorhang gaunz weit offen für uns zwa
Nur mitanaunda geht se’s aus
dass wir ned untergengan
Nur mitanaunda geht se’s aus
dass wir nu leben
Nur mitandaunda geht se’s aus
dass wir die Wöd verändern
weu genganaunda deds uns längst scho nimmer geben
Nur mitanaunda bring ma wos weida
Nur mitanaunda kemma wos bewegen
Nur mitanaunda geht ollas gscheida
Nur mitanaunda bleibt die Wöd bestehen
|
||||
5. |
Gipfel
03:36
|
|||
Wir haum den Gipfel gseng
kemma jetzt bitte wieder owegeh
Es wird scho richtig eng
es kennan boid nimmer mehr leid oman steh
Owa a stickl weiter unten
is die Aussicht a nu sche
hod ma Johre, Toge, stundenlang
nu ausreichend zum Leben
Rennt ma nimmer mehr nur Runden
sondern glei von A noch B
Hod ma irgendwann des gfüh
dass ma wo aukummt in da Wöd
Wir haum den Gipfel gseng
kemma jetzt bitte wieder owegeh
uns wird die Luft scho zweng
kennan do nimmer sehr laung oman steh
Owa a bissl weiter unten
foit des Atmen ned so schwer
es san wertvolle Sekunden
waun de um san geht nix mehr
Samma afoch so verschwunden
wieder zruck ins gleiche Meer
doch des Meer von Heite gibt
boid nur mehr Öl und Plastik her
Wir haum den Gipfel gseng
kemma jetzt bitte wieder owegeh
Es wird scho weitergehen
glei waun die Sun aufgeht wird’s weidageh
|
||||
6. |
I renn und i renn
03:40
|
|||
I sich von da weidn
wie si ollas wiederholt
Des Hoffen, des Leiden
weu i ständig nu mehr woit
Sche laungsaum versteh i
sich des Muster auf da Haund
Unendliche Linien
gengan niemois wirklich zaum
bis ma endlich an Strich drunter ziagn kaun
Weu i renn und i renn doch i kumm ned au
I find mein Weg nur waun i stehen bleib
I red und i red und es kummt nie au
I find mein Weg nur waun i waß, dass i ned renna muass
I hea vo da weidn
leises Ruafn, hea mein Naum
i soi mi entscheiden
bin ma sicher, nur ned waun
Es muass nu des ane
und des Aundare passieren
und möglichst allane
weu sonst kennt i wos verlieren
oder endlich an laungen Strich drunter ziang
|
||||
7. |
||||
Und so schnö is wieder Montog
I hob mi grod erst nu erhoid
Hob den letzten Rest nu ogschminkt
der vom Saumstog a nu hoit
Und so schnö is wieder Montog
Erst am Freitog hauma gredt
dass des Joa boid wieder um is
und wie schnö die Zeit vergeht
Nu am Dunnastog woas aundas
so vü in an Tog verpockt
dass i goa nimmer recht gwusst hob
ob des a gaunza Tog vertrogt
Dienstog Mittwoch woa i eideckt
Wieso zaht si des jetzt so?
Doch so schnö is wieder Montog
Irgendwie bin i jo froh
Weu i was nu genau wia des is
wauma immer daham sitzt
Olle haum wos zum duan, waumas trifft
was ma nix mehr zum reden
Hob scho ois repariert ghobt
jeden Raum zwamoi gstrichn
Jeder Mensch braucht an Grund
dass a denkt in da Fruah beim Kaffee:
"Und so schnö is wieder Montog"
|
||||
8. |
Summa mit dir
04:05
|
|||
Wauma de Sun de Stirn verbrennt
Wauma da Wind de Hoa zawüdlt
Waun i de ganze Zeit nur singa wü
daun is Summa mit dir
Wauma des Eis durch'd Finger rinnt
Waun ma da Saund nu auf mein Hintern pickt
Waun i de dritte Sonnenbrün verlier
daun is Summa mit dir
Du druckst die dunklen Woikn weg für mi
Du hoitst den Regen vorm Straundbod auf
Du mochst ma Mut, du bist mei Therapie
Du losst den Dingen ihren Lauf
Wauma des Wossa überd Zechn rinnt
Waun unser Lochn in meine Ohren nochklingt
Wauma die Nocht nu in die Augen brennt
daun is Summa mit dir
Weu du bist mei Vertrauen
dass si Ollas weidadraht
a waun jemand ins Getriebe
dauernd Nägel einelaht
noch dir draht si jeder um
du bist so stoak wie a Magnet
doch an manchen schwoazn Togn
lieg i ohne di im Bett
Du druckst die dunklen Woikn weg für mi
Du hoitst den Regen vorm Straundbod auf
Du mochst ma Mut, du bist mei Therapie
Du losst den Dingen ihren Lauf
Du druckst die dunklen Woikn weg für mi
Du schlogst den Regen in den Wind
Du kennst kan Kriag und a ka Pandemie
Du sperrst mei Aungst für mi in Spind
|
||||
9. |
Unbekanntes Leben
04:11
|
|||
Jeden Tog am weg zur Oaweit
gibt’s an Weg den kenn i goaned
und i frog mi wohin würd der mi woi fian
Jeden Tog foa i nur weida
Doch der Weg dohinten bleibt ma
im Gedächtnis, losst ma afoch mehr ka Ruah
Und auf amoi bleib i steh
Es is des unbekannte Leben
des do woat vielleicht auf mi
Is es mei unbekanntes Leben
des mi wos waß i wohin
amoi weidabringt ois i jetzt seng kau
Ollas gaunz aundas ois is gwent bin
a der Geruch is fremd für mi
I hob mi laung nu ned entschieden
jetzt im Moment ziagts mi nu hin
I steck mein Kopf durch oide Fenster
wisch ma den Rost vo meiner Stirn
wü nimmer in mei Auto eisteing
geh liawa stundenlaung spazieren
do wo i obong bin
In mei unbekanntes Leben
des immer gwoat hod do auf mi
Des is mei unbekanntes Leben
geht ma nie wieder ausn Sinn
Es is des unbekannte Leben
des do woat vielleicht auf mi
Is es mei unbekanntes Leben
des mi wos was i wohin
amoi weidabringt ois i jetzt seng kau
|
||||
10. |
Stana und Saund
04:32
|
|||
Heite geht's ma guad
i geh aufrecht trog mein Kopf in da Häh
bin am Weg zu dir und da Tog is richtig sche
Du lochst aus a Tia
kummst kurz aussa auf die Strossn zu mir
I dazö da wias ma so geht und wos i gspia
I schau di au und do schaust am Boden
hob i wos foisches Gsogt zu dir?
Bei wem aundan wa's ma wuascht,
doch du stehst vü weida oben
deshoib bin i irritiert
Do sich i erst du trogst den gleichen Rucksack wia i
trogst ned Stana sondern Saund, Standa sondern Saund umadum
Geht's da heit ned guad
waun i's was würd i so maunches versteh
I nimm ma gern Zeit für di,
muass ned glei scho wieder geh
Du schaust mi au
stehst nimma mehr oben
dir geht's jo eh fost gleich wia mia
a waun i ned drüber red
i lieg öfters a am Boden
bisher hob i mi geniert
Owa schwa is nur allanich
Es geht ma besser waun i red
waun i mi nimmer mehr versteck
Do sich i erst du trogst den gleichen Rucksack wia i
trogst ned Stana sondern Saund, Standa sondern Saund umadum
I würd so gern amoi wirklich drüber steh
waun i di wieder triff
|
||||
11. |
Boid wieder leicht
03:45
|
|||
I woit scho immer an Hund haum
hoffentlich nimmt man neamd weg
i hea nur„pock nu schnö ois zaum,
wir suachn uns a Versteck“
I hob mi so gfreit auf die aundan
wauns eam seng, wauma spün
jetzt bricht ois ausanaunda
I hoff des is nur a Füm
I woch auf ganz woaundas
hea mein Papa nur rean
nimm mein Hund bei da Leine
hauptsoch wia haum uns gern
I setz an Fuaß vor den aundan
a wauns heit ned so scheint
ihr werdts seng, in a boa Joa
triff i daun all meine Freind
Du und i wir beißen durch
durch die ollaschwerste Zeit
waun is jeden Tog versuach
geht's bestimmt boid wieder leicht
|
||||
12. |
Ollas wird guad
04:45
|
|||
Überall Wahnsinn
du sitzt neben mir und bist entspaunt
Du bist a Wahnsinn
die Art vo Mensch der mir wos aunvertraut
Überall Wahnsinn
i bring maunches nu im Kopf ned zaum
In mir is da Wahnsinn
du grinst mi au, i fühl mi glei daham
Heit was i wieder ned wos links und wos jetzt rechts is
Du nimmst mei Haund und plötzlich wird ollas ganz kloa
I mecht da glauben doch i sitz in mein Gefängnis
I mecht ned wissen wüvü Joa
Ollas wird guad
hea i dei Stimm tiaf in mir drin song
Ollas wird guad
i würd des ollas so gern glauben
Ollas wird guad
i hea dei Stimm so gern zu mir song
Ollas wird guad
i huach da zua obwoi i immer nu ned
sicher bin ob des a wirklich stimma kaun
I werd da hoid amoi vertrauen
Bis i daham bin
geht ma sicher längst da Treibstoff aus
Boid endlich daham bin
du schiabst die letzten Meter gern mit au
Heit was i wieder ned wos links und wos jetzt rechts is
du nimmst mei Haund und plötzlich wird ollas ganz kloa
I mecht da glauben doch i sitz in mein Gefängnis
I mecht ned wissen wüvü Joa
Ollas wird guad
Ollas wird guad
hea i dei Stimm tiaf in mir drin song
Ollas wird guad
i würd des ollas so gern glauben
Ollas wird guad
i hea dei Stimm so gern zu mir song
Ollas wird guad
i huach da zua obwoi i immer nu ned
sicher bin ob des a wirklich stimma kaun
I werd mein Spiegelbüd vertrauen
|
Martin Rotheneder Saint Pölten, Austria
Songwriter, Gitarrist und Sänger aus St. Pölten. Formerly known as Soulitaire, Ben Martin, I Am Cereals oder The Black Riders.
Streaming and Download help
If you like Martin Rotheneder, you may also like:
Bandcamp Daily your guide to the world of Bandcamp